Life Journey – 歷奇課程

生命 ‧ 挑戰2015 歷奇課程已接受報名

  • RSS
  • Delicious
  • Facebook
  • Twitter

近排成日都比人問,歷奇係啲乜?以前我會答你,去下camp,行下山,玩下獨木舟,野外定向咁啦。而家我會答你,歷奇其實係代表緊生活。佢係一種精神。生活上每事每物都係你不能預計的,變化比計劃黎得急,你要學識去面對而唔係逃避。生活上有好多事物都係我第一次見,第一次做,但千奇唔好驚,驚就會做唔到,做唔好。從活動看,歷奇就係完成你未見過,未玩過的task。從生活看,歷奇就係面對你生命中未來的衝擊,面對生命上的不確定性。

歷奇教識我好多野,唔係教我處事方法,而係心態。好直接一句,if you think you can, you can. 講緊既就係心態同意念係好重要的。成日都在心中所想,think positive. 仲有,唔好怯呀,怯都係講果樣,思想同心態就變得好重要。

至於問到咩係生挑?以前我會答你,係歷奇活動黎的。而家我會答你,生挑係more than歷奇活動。生挑係重情的地方,著重人,著重彼此的感受。表現出黎的就係果種人與人之間的關係是簡單的,互相信任的,坦誠面對的,互相支持的,互相欣賞同鼓勵。

我有好多得著。
第一年來到生挑,我目標就係玩啦,挑戰下自己,充實自己的回憶。我做到了。
第二年回到生挑,我目標就係努力為呢度付出,做啲我可以幫助倒生挑的地方。我做了物資的角色。
來到第三個年頭,我目標…就是很喜歡呢度,所以我回來了。
今年的core都籌組左兩個幾月,有起有跌,為的就是將生挑對人肯定的價值薪火相傳。為的就是承擔起生呢份價值。

如果有人問我一生中最難忘的回憶係咩?我一定答生挑呢個地方。

13年,我同15位族人一起走過的精彩難忘的回憶。

14年,我先能與12位的core成員一起去承托該年的族人,親眼睇住佢地,陪住佢地創造及擁有一段屬於佢地難忘的回憶。

15年,我好期待…我好有信心,生挑能為族人同樣地創造一段屬於佢地的精彩而又難忘的回憶。

最後送上一張我當年參加生挑的回憶。感謝咁多位帶比我難忘回憶的先知。感謝咁多位陪我一起走過13年精彩暑假的”Power”同”十龍”族人。

By 2013年族人 豬景

11403307_10153318079538805_5460723868045072185_n

Comments are closed.